近年全球掀起元宇宙 (Metaverse) 嘅熱潮，就連世界最大社交平台之一Facebook都改名做Meta，誓要做開發元宇宙嘅先鋒。不過工欲善其事，必先利其器，所以近年各大廠商都大力研發各種VR虛擬實境眼鏡，務求令用家得到最真實刺激嘅沉浸式體驗。而VR眼鏡主要分為四大類，一齊睇下有咩分別啦！

1. 手機VR眼鏡

呢類眼鏡係最方便嘅體驗方式，只要打開手機適用VR模式嘅内容，然後放入VR眼鏡就可以開始虛擬體驗。

2. 一體機VR眼鏡

顧名思義，一體機VR眼鏡並唔需要連接手機或電腦，可以直接使用，用家可以輕鬆享受無線嘅VR體驗。綜合來說，呢類眼鏡便利之餘cp值亦都較高，推薦比新手用家！

3. 電腦VR眼鏡

如果用家想追求極致畫質同效能嘅話，電腦VR眼鏡會更加適合你。眼鏡連接電腦後，再搭配遊戲平台嘅話，仲可以玩到唔同嘅VR大作！不過眼鏡對電腦嘅性能需求較高，所以價錢唔算親民，但同時都係所有VR眼鏡體驗中最多元化、最真實同舒適嘅選擇。

4. 遊戲機VR眼鏡

遊戲機VR眼鏡當中最出名一定係PlayStation VR，只要連接PS4或PS5，就可以盡情享受虛擬遊戲嘅樂趣。一般遊戲機VR眼鏡價錢中等，雖然只可以連接指定遊戲機，不過佢主攻提供深度互動嘅遊戲體驗，鍾意打機嘅朋友點可以錯過！

1. 自由度

自由度DoF (Degree of Freedom)主要分為3DoF同6DoF。玩家可因應需要選用定點或移動體驗嘅VR眼鏡。

• 3DoF：主打定點體驗，眼鏡可在喺空間有限嘅環境下感應頭部活動，但定位精準度較低，主要用於觀賞360度相片、影片或輕度VR遊戲。

• 6DoF：主打移動體驗，眼鏡中嘅VR景象會隨玩家嘅位置移動而改變，定位精準，較少出現延遲問題，增加用家與虛擬世界嘅互動，但需要較大物理空間偵測位置。

2. 視野角度

VR眼鏡視野角度FOV (Field of View) 愈大，視野愈廣闊。一般人嘅視野大約係60度，而一般VR眼鏡視野角度係90至110度。市面上有啲VR眼鏡可以做到超廣角視野，不過要留意畫面有可能變形嘅問題。

3. 適用平台

玩家要留意某啲遊戲同程式只適用於特定平台或設備，所以選購時要睇下VR眼鏡有冇支援自己想用嘅程式。

4. 舒適度

玩家不妨考慮購買一個適合自己頭型、臉型，或者較輕身嘅VR眼鏡，就算玩耐啲都冇咁攰啦！